Karonda aur Mirchi ka achar
Mere Papa ki demand pe 😃😃😃
Kuch mahino pehle jab mai maikey gayi thi tab papa ney mujhse pucha ki kya tumko karonda ka achar banana aata hai????
Me- nahi papa
Papa- badi chef bani ghoomti hai 😕
Me- ☹️
Ab toh banana hi tha 😁😁😁
First attempt 😀😀😀
Jab aaj papa ke liye achar bheja toh papa bahut khush hue aur jab mai puchi ki kaisa bana hai papa sab sahi sahi hai ya kuch kami besi…. tab papa bole ekdum perfect 👌🏻 aur mai taste kiya toh bahut badhiya bana hai 😀😀😀
Me- 💃🏻💃🏻💃🏻💃🏻 😀😀😀😀😀
Here goes the recipe
Ingredients
Karonda- 250 gm
Hari mirch- 50 gm
Salt- 3 tsp
Haldi- 1/2 tsp
Sarso (yellow wali)- 1/2 katori
Lal mirch- 3-4 tsp
Methi dana (crush kiya hua)- 3/4 tsp
Hing- 1/4 tsp
Saunff (crush ki hui)- 1/4 katori
Mustard oil- 1 cup
Method
Karonda ko saff karke (dhookar aur danthal nikal le aur sukha le) lengthwise cut kare (do tukda) aur seed nikal de
Hari Mirch ko dhookar sukha le aur uske tukdey kar le
Mustard oil garam kare (upto smoking point) phir thanda hone de
Jab oil gunguna reh jaye tab hing dale aur kuch seconds ke baad haldi followed by saunff, sarso dal, methi dana aur lal mirch
Acche se mix kar le
Ek bowl may karonda aur hari mirchi mix kar le
Jab oil pura thanda ho jaye tab namak add kare (ya phir karonda may mila le)
Ab sara masala acche se mix karke karonda aur mirchi may mila de
Ek airtight container may dale
Do din baad consume kare
In do din 2-3 bar hilakar ache se mix kartey rahe
Agar saal bhar ke liye banana ho toh mustard oil thoda jyada dale (itna ki achar pura oil ke andar dhoba hua ho means achar ke upar ache se mustard oil bhara hua ho)
Extra mustard oil aap do teen dino ke baad hi dale
Is achar ko aap agar fridge may rakhey toh iska kararapan khatam nahi hoga
Isko aap fridge ke bahar store bhi store kar saktey hai
ruchisrasoi.wordpress.com 